سویسرا گه‌شتكردن بۆ هاووڵاتییانی عێراق ئاسان ده‌كات

ئاڤا نیوز

وه‌زیری ده‌ره‌وه‌ی سویسرا، له‌ به‌غداوە ڕایگه‌یاند، ‌له‌مه‌وبەدوا هاووڵاتییانی عێراق دەتوانن ڤیزای وڵاتەکەی ڕاسته‌وخۆ له‌ باڵیۆزخانه‌ی سویسرا له‌ به‌غدا وەربگرن و پێویست ناکات له‌ ڕێگه‌ی ئورده‌نه‌وه‌ مامه‌ڵه‌ی ڤیزا بکه‌ن.

چیرۆکی سەرەکی: ئەمڕۆ پێنجشەممە 23-10-2025، د. فوئاد حوسێن، جێگری سه‌رۆکوه‌زیران و وه‌زیری ده‌ره‌وه‌ی عێراق، پێشوازی لە ئینیاتزیۆ کاسیس، وه‌زیری ده‌ره‌وه‌ی سویسرا کرد و دواتر له‌ باڵه‌خانه‌ی وه‌زاره‌تی ده‌ره‌وه‌ی عێراق، هەردوولا کۆنگره‌یه‌کی ڕۆژنامه‌وانیان ئەنجامدا.

لێدوانی فەرمی: ئینیاتزیۆ کاسیس، وه‌زیری ده‌ره‌وه‌ی سویسرا، له‌ کۆنگره‌که‌دا ڕایگەیاند: لەمەودوا پێویست ناکات هاووڵاتیانی عێراق بۆ وەرگرتنی ڤیزای وڵاتەکەی بچنه‌ ئورده‌ن، بەڵکو ڕاسته‌وخۆ له‌ ڕێگه‌ی باڵیۆزخانه‌ی سویسراوه‌ له‌ به‌غدا دەتوانن داوای ڤیزا بکەن و مامەڵەکانیان پێشکەش بکەن.

زانیاریی زیاتر: کاسیس، ڕوونیشی کرده‌وه‌، که‌ قه‌باره‌ی بازرگانی نێوان عێراق و سویسرا به‌ ڕێژه‌ی 9% به‌راورد به‌ ساڵی ڕابردوو زیادیکردووه‌.

له‌لایەکی دیکەوە: فوئاد حوسێن، وه‌زیری ده‌ره‌وه‌ی عێراق، خۆشحاڵی خۆی بۆ ئەو بڕیارەی سویسرا ده‌ربڕی و بەهەنگاوێکی گرنگ ناوی برد.