فوئاد حوسێن: عێراق ژینگەیەکی نوێ و پارێزراو بۆ باڵیۆزخانەکان دابین دەکات

ئاڤا نیوز

فوئاد حوسێن، جێگری سەرۆکوەزیران و وەزیری دەرەوەی عێراق، بەردی بناغەی پڕۆژەی نۆژەنکردنەوە و گەشەپێدانی گەڕەکی دیپلۆماسی لەبەغدا دادەنێت و دەڵێت: "حکومەت ژینگەیەکی کارکردنی مۆدێرن و پارێزراو بۆ باڵیۆزخانەکان لە عێراق دابین دەکات".

لێدوانی فەرمی: لە میانی دانانی بەردی بناغەی پڕۆژەی نۆژەنکردنەوە و گەشەپێدانی گەڕەکی دیپلۆماسی لەبەغدای پایتەخت فوئاد حوسێن ڕایگەیاند:

- دانانی بەردی بناغەی پڕۆژەی نۆژەنکردنەوە و گەشەپێدانی گەڕەکی دیپلۆماسی لەبەغدای پایتەخت، هەنگاوێکی گرنگە بۆ دابینکردنی ژینگەیەکی مۆدێرن و پارێزراو کە شایستەی کارکردنی باڵیۆزخانە پەسەندکراوەکان لە عێراق بێت. 

- ئەم پڕۆژە گرنگە لەسەر ڕووبەری 2795 دۆنم زەوی دروست دەکرێت، 78 پارچە زەوی لەخۆدەگرێت و 40 پارچەیان بۆ باڵیۆزخانە چالاکەکان لە عێراق تەرخانکراوە.

- پڕۆژەکە چوار دەروازە و پێنج تاوەری پاراستنی پێشکەوتوو لەخۆدەگرێت و خزمەتگوزاری تەواو، باخچە، ڕووبەری سەوزایی و ڕێڕەوی تایبەت بە پیادەڕەوی تێدا دابین دەکرێت.

- چاوەڕوان دەکرێت ئەم پڕۆژەیە ساڵی داهاتوودا وەک ئەم کاتە تەواو بکرێت.