لەبارەی دوو بڕیاری ئیسرائیلەوە عێراق هەڵوێست وەردەگرێت

ئاڤا نیوز

وەزارەتی دەرەوەی عێراق سەرکۆنەی پەسەندکردنی دوو پڕۆژەیاسا لەلایەن پەرلەمان (کنێسێت)ـی ئیسرائیلەوە دەکات، کە ئامانجیان سەپاندنی سەروەرییە بەسەر کەرتی خۆرئاوا و نیشتەجێکردنی جووەکان.

وێنە گەورەکە: پەرلەمانی ئیسرائیل دوو پڕۆژەیاسای پێشخستوون کە بە هۆیانەوە داوا دەکرێت بە یاسا سەروەریی ئیسرائیل بەسەر کەرتی خۆرئاوا و ناوچەی نیشتەجێکردنەکانی جووەکان لە فەڵەستیندا بسەپێنرێت.

ڕاگەیێنراوی فەرمی: وەزارەتی دەرەوەی عێراق لە ڕاگەیێنراوێکدا ڕایگەیاند: وێرای ئەوەی عێراق بە تووندی سەرکۆنەی پەسەندکردنی دوو پڕۆژەیاسای کنێسێتی ئیسرائیل دەکات، کە ئامانجیان سەپاندنی سەروەرییە بەسەر بەسەر کەرتی خۆرئاوا و ناوچەی نیشتەجێکردنی جووەکان، هاوکات ئەم هەنگاوە بە پێشێلکردنی ئاشکرای یاسای نێودەوڵەتیی و بڕیارەکانی ئەنجوومەنی ئاسایشی پەیوەندیدار و دەستدرێژیی بۆ سەر مافە ڕەواکانی گەلی فەڵەستین وەسف کرد.

زانیاریی زیاتر: وەزارەتی دەرەوەی عێراق داوای لە کۆمەڵگەی نێودەوڵەتی کرد، بەرامبەر سیاسەتەکانی دەستدرێژی و فراوانخوازی دەسەڵاتدارانی ئیسرائیل دژی گەلی فەڵەستین بوەستێتەوە.