داعش لە دێرەزوور دوو شەڕڤانی هەسەدە دەكوژێت

ئاڤا نیوز

 

لە پەلامارێكی چەكدارانی داعش لە سنووری پارێزگای دێرەزوور، دوو شەڕڤانی هەسەدە كوژران. لەبارەی هێرشەکەوە میدیاکانی نزیک لە هەسەدە دەڵێن، بەهۆی تەقینەوەی ئۆتۆمبێلێکەوە بووە.

 

چیرۆكی سەرەكی: پاشماوەكانی داعش لە دەشتاییەكانی سنووری پارێزگای دێرەزوور لە ڕۆژئاوای كوردستان، لەڕێگەی ئۆتۆمبێلی بۆمبڕێژكراو هێرشیان كردە سەر خاڵێكی پشكنینی هێزەكانی سووریای دیموكرات هەسەدە، بەهۆی تەقینەوەی ئۆتۆمبێلەكە ئەندامێكی هەسەدە كوژرا، لەكاتی ڕووبەڕووبوونەوەش لەگەڵ چەكدارانی داعشدا، ئەندامێكی دیكەی هەسەدە دەكوژرێت.

 

بڵاوكراوەی فەرمی: ئەمڕۆ شەممە هەسەدە لەڕێگەی میدیاكانیەوە، ڕاگەیێنراوێكی بڵاوكردووەتەوە و تێیدا شەهیدبوونی دوو شەڕڤانی ڕاگەیاند، دووپاتیشی كردووەتەوە، شەڕڤانەكان لەكاتی ئەنجامدانی چالاكیی دژ بە چەكدارانی داعش لە دێرەزوور، كوژراون. 

 

زانیاریی زیاتر: لەبارەی وردەکاریی ڕووداوەکە، میدیاكانی نزیك لە هەسەدە ڕایانگەیاندووە، یەکێک لە شەڕڤانان بەهۆی تەقینەوەی ئۆتۆمبێلێکی چەکدارانی گروپی داعشەوە بووە بەهۆی بۆمبەوە، ئەوی دیکەشیان لە کاتی بەجێگەیاندنی ئەرکەکەی كوژراوە.