ماتۆڕسکیلێکی بۆمبڕێژکراو لە نزیک ماڵی پارێزگاری کەرکووک پووچەڵ کرایەوە

ئاڤا نیوز

هێزە ئەمنییەکانی کەرکووک بەرەبەیانی ئەمڕۆ ماتۆڕسکیلێکی بۆمبڕێژکراویان لە بەردەم ماڵی پارێزگاری شارەکەیان پووچەڵ کردەوە. 

زانیاریی پەیامنێر: دیار محەممەد، پەیامنێری ئاڤا لە کەرکووک ڕایگەیاند: بەرەبەیانی ئەمڕۆ ماتۆڕسکیلێکی بۆمبڕێژکراو لە بەردەم ماڵی ڕێبوار تەها، پارێزگاری کەرکووک دانراوە، دواتر لەلایەن هێزە ئەمنییەکانەوە پووچەڵ کراوەتەوە. 

زانیاریی زیاتر: ڕێوشوێنێکی تووند لە کەرکووک گیراوەتە بەر و بازگەی کاتی لەلایەن هێزە ئەمنییەکانەوە دانراوە و لێکۆڵینەوە لەگەڵ هاووڵاتییان دەکرێت. 

لەلایەکی دیکەوە: تاوەکو ئیستا لایەنە ئەمنییەکان ڕوونکردنەوەیان لەوبارەیەوە نەداوە، چاوەڕوان دەکرێت لە چەند کاتژمێری داهاتوودا ڕاگەیێنراوێک بڵاو بکرێتەوە.