لە سۆران پرۆژەیەکی گەورەی ئاوی خواردنەوە بۆ ژمارەیەک گوند جێبەجێ دەکرێت

ئاڤا نیوز

پرۆژەیەکی گەورەی ئاوی خواردنەوە بۆ ژمارەیەک گوندی ئیدارەی سەربەخۆی سۆران بە قەبارەی 480 مەتر سێجا جێبەجێ دەکرێت کە پشت بە ئاوی سەر زەوی و سەرچاوەی ئاوی ڕووبارەکان دەبەستێت.

وێنە گەورەکە: لە چوارچێوەی پڕۆژەکانی خزمەتگوزاریی کابینەی نۆیەمی حکومەتی هەرێمی کوردستان، پڕۆژەیەکی گرنگی ئاوی خواردنەوە بۆ 18 گوندی ناوچەی دۆڵی بیاو لە ئیدارەی سەربەخۆی سۆران لە جێبەجێکردن دان.

لێدوانی فەرمی: هەژار حەکیم، بەرپرسی ڕاگەیاندن و پەیوەندییەکانی ئیدارەی سەربەخۆی سۆران بە ئاڤای ڕاگەیاند، پڕۆژەکە لە سێ خەزانی گەورەی ئاو بە قەبارەی 480 مەتر سێجا پێکهاتووە.

باس لەوەش دەکات، لە پڕۆژەکەدا پشت بە ئاوی سەر زەوی و سەرچاوەی ئاوی ڕووبارەکان دەبەسترێت لەگەڵ دانانی سیستەمێکی پێشکەوتوو بۆ فلتەرکردنی ئاوی خواردنەوە بۆ دانیشتووانی ناوچەکە.

زانیاریی زیاتر: لە چوارچێوەی ئەم پڕۆژەیە، تۆڕی ئاوی خواردنەوە بە درێژایی زیاتر لە 31 کیلۆمەتر ڕاکێشراوە، تا بتوانرێت پێداویستیی گوندەکان بە شێوەیەکی گونجاو دابین بکرێت.