ڕاوێژكارێكی سەرۆكوەزیرانی عێراق: سوودانی دەیەوێت پارتی بەشداریی هەڵبژاردن بكات

ئاڤا نیوز 

ڕاوێژكارێكی سەرۆكوەزیرانی عێراق ڕایدەگەیێنێت، سوودانی لە هەوڵی ئەوە دایە پارتی دیموكراتی كوردستان بەشداری لە هەڵبژاردنی پەرلەمانی كوردستان بكات و بەشداریكردنی پارتیش بە "گرنگ" دەزانێت.

 

وێنە گەورەكە: پارتی وەكو گەورەترین حیزبی هەرێمی كوردستان، كاریگەری لەسەر هەڵبژاردن و كۆی پرۆسەی سیاسیی عێراق هەیە و بۆ هەڵبژاردنی پەرلەمانی كوردستانیش لیستی بەربژێرانی پێشكەشی كۆمیسیۆن نەكردووە، لەکاتێکدا دوا وادە 31-03-2024 بوو.

 

لێدوانی فەرمی: محەممەد شیاع سوودانی، سەرۆكوەزیرانی عێراق بەردەوام لەگەڵ سەركردایەتیی پارتی دیموكراتی كوردستان لە پەیوەندی دایە، تاوەكو بەشداری هەڵبژاردن بكەن، چونكە ئەم بەشدارییە گرنگییەكی زۆری هەیە و هەمووان دەزانن كە ڕەنگە بایكۆت ڕێگری لە بەڕێوەچوونی هەڵبژاردن بكات. سەبهان مەلا جیاد، ڕاوێژكاری سەرۆكوەزیرانی عێراق ئەمەی بە میدیای عێراق ڕاگەیاند.

 

ئەوەی پێویستە بیزانیت: ڕێككەوتی 01-04-2024 گوتەبێژی پارتی ڕاگەیێنراوێكی بڵاوكردەوە و دووپاتی كردەوە كە ئەگەر هەڵبژاردن بۆ كاتێكی دیكەش دوابخرێت نابێت بەو شێوازەی ئێستا بێت.