دوو دارچنار لە شەقڵاوە تەمەنیان 1000 ساڵە

ئاڤا نیوز

 

وێنە گەورەکە؛ شەقڵاوە کە دیمەنێکی ناوازە و دڵڕفێنی هەیە دەیان دارچناری لێیە؛ بەڵام لەنێوان ئەو دەیان دارچنارە دوو دانەیان دانسقەن، تەمەنی دوو دار چنارەکە نزیکەی هەزار ساڵە، شایەدی چەندین ڕووداوی مێژوویی بوون و زۆرێک لە کەسایەتی و سەرکردە سیاسییەکانیش کە سەردانی شەقڵاوەیان کردووە چوونەتە لای ئەم دوو دارچنارە.

ئەوەی پێویستە بیزانیت؛ دوو تیمی ئەمریکی و بەریتانی سەردانی دارچنارەکانیان کردووە و تەمەنەکەیان پشتڕاستکردوونەتەوە؛ بەرزی دارچنارەکان دەگەنە 35 مەتر و ئەستووری قەدەکەیان سێ مەتر و نیو دەبێت.