لە ڕووداوێکی هاتووچۆ سێ کەس لە سلێمانی گیانیان لەدەستدا

ئاڤا نیوز

لە ڕووداوێکی هاتووچۆدا لە شاری سلێمانی، بەهۆی وەرگەڕانی ئۆتۆمبێلێک لە نزیک نەخۆشخانەی شار سێ کەس گیانیان لەدەستدا.

چیرۆکی سەرەکی: سەر لە بەیانی ئەمڕۆ سێشەممە 28-10-2025، ڕووداوێکی هاتووچۆ لە شاری سلێمانی ڕوویداوە، بەهۆیەوە سێ کەس گیانیان لە دەستداوە، ڕووداوەکەش لە جۆری وەرگەڕانی ئۆتۆمبێل بووە.

زانیاریی پەیامنێر: ژیوار عەبدولڕەحمان، پەیامنێری ئاڤا لە سلێمانی گوتی: لە ڕووداوێکی هاتووچۆدا لە بەردەم نەخۆشخانەی شار لە شەقانی بازنەی مەلیک مەحموود، سێ کەس گیانیان لەدەستدا.

لێدوانی فەرمی: سەرچاوەیەک لەسەنتەری فریاکەوتنی خێرا لەسلێمانی بە ئاڤا میدیای گوت: ڕووداوەکە لە بازنەی مەلیک مەحموود ڕوویداوە، بەهۆیەوە سێ گەنج گیانیان لە دەستداوە.

ئەوەی لەبارەیەوە دەگوترێت: بەپێی وتەی شایەتحاڵان، سەگێک هاتووەتە سەر شەقامەکە شۆفێرەکە ویستوویەتی لەسەگەکە نەدات بەڵام کۆنترۆڵی لەدەستداوە و ئۆتۆمبێلەکە وەرگەڕاوە، بەهۆیەوە شۆفێر و دوو سەرنشینی ئۆتۆمبێلەکە گیانیان لەدەستداوە.