وادەی دابەشکردنی مووچەی مامۆستایانی گرێبەست ئاشکرا کرا

ئاڤا نیوز

 

ئەمڕۆ دابەشکردنی مووچەی مانگی هەشتی فەرمانبەران کۆتایی دێت، وابڕیارە هەفتەی داهاتوو مووچەی مامۆستایانی گرێبەستی پەروەردە و خوێندنی باڵا دابەش بکرێت.

 

وێنە گەورەکە: دابەش کردنی مووچەی مانگی هەشتی فەرمانبەرانی هەرێمی کوردستان ماوەی سێ ڕۆژی بۆ دیار کرا، لە ماوەی دوو ڕۆژی ڕابردوو بەشێکی زۆری مووچەخۆران مووچەیان وەرگرت و ئەمڕۆش پرۆسەکە تەواو دەبێت. هاوکات بڕیارە مامۆستایانی گرێبەست هەفتەی داهاتوو مووچەکانیان خەرج بکرێت کە ژمارەیان نزیکەی 43 هەزار کەسە.

 

لێدوانی فەرمی: سەرچاوەیەک لە وەزارەتی دارایی و ئابووری هەرێمی کوردستان بە ئاڤا میدیای گوت: وابڕیارە هەفتەی داهاتوو مووچەی مانگی هەشتی مامۆستایانی گرێبەستی هەردوو وەزارەتی پەروەردە و خوێندنی باڵا دابەش بکرێت.

 

بە تەنیشت ئەم بابەتەوە: 29 ڕۆژە لیستی مووچەی مانگی نۆی فەرمانبەرانی هەرێمی کوردستان ڕەوانەی بەغدا کراوە و وەزارەتی داراییش دەستی بە جێبەجێ کردنی پابەندییەکانی کردووە.

 

لە لایەکی دیکەوە: وەزارەتی دارایی و ئابووریی هەرێمی کوردستان بە چڕی کار لەسەر ئامادەکردنی لیستی مووچەی مانگی 10 دەکات، ئەگەر ئەم هەفتەیە لیستەکە تەواوبێت ڕەوانەی بەغدا دەکرێت.