بەهۆی ئاگرێك لە شارۆچكەی بەحركەی هەولێر چوار ماڵ سووتان

ئاڤا نیوز

لە گەڕەكێكی شارۆچكەی بەحركەی سەر بە پارێزگای هەولێر، ئاگرێك كەوتەوە زیانی دارایی و گیانی لێ كەوتەوە. بووە هۆی سووتانی ئۆتۆمبێلێک و دووکانێک و چوار ماڵ.

زانیاریی پەیامنێر: هیشام سەعید، پەیامنێری ئاڤا ڕایگەیاند: كاتژمێر 6ـی ئێوارەی ئەمڕۆ لە گەڕەكی ئاشتیی شارۆچكەی بەحركە ڕووداوێكی ئاگركەوتنەوە ڕووی داوە و بەو هۆیەوە چوار ماڵ و ئۆتۆمبێلێك و دووكانێكی بەرگدروو سووتاون و كەسێكیش كە شۆفێری ئۆتۆمبێلەكەیە بە ڕێژەی 50% سووتاوە.

ئەوەی پێویستە بیزانیت: ڕووداوەكە كاتێك ڕوویداوە كە ئۆتۆمبێلێكی بارهەڵگری بچووك سەرقاڵی بەتاڵكردنەوەی بەرمیلێك نەوت بووە بۆ یەكێك لە ماڵەكان، هەڵەیەك ڕووی داوە و بەو هۆیەوە ئاگرێك كەوتۆتەوە و وردە وردە تەشەنەی كردووە، پاشان لەلایەن تیمەكانی بەرگریی شارستانییەوە كۆنترۆڵ كراوە.

ئەمەش بزانە: ئەو كەسەی لە ڕووداوەكەدا سووتاوە ناوی گۆران شوانە و تەمەنی 30 ساڵە و گەیێندراوەتە نەخۆشخانە بۆ چارەسەركردن.