مەسرور بارزانی: ئێمە بە نەرمی و هێمنی بەردەوام دەبین لە ئاوەدانكردنەوەی كوردستان

ئاڤا نیوز

سەرۆکوەزیران مەسرور بارزانی لە مەراسیمی کردنەوەی پڕۆژەی پشتێنەی سەوزای هەولێر پەیامێکی بۆ هەموو خەڵکی کوردستان نارد و ڕایگەیاند: ئێمە بە نەرمی و هێمنی بەردەوام دەبین لە ئاوەدانكردنەوەی كوردستان.

وێنە گەورەکە: پڕۆژەی پشتێنەی سەوزایی هەولێر، یەکێکە لە پرۆژە ستراتیژییەکانی حکومەتی هەرێمی کوردستان لە کابینەی نۆیەمدا، کە پڕۆژەکە بە چارەسەرێکی گونجاو بۆ کەمکردنەوەی دیاردەی خۆڵبارین و بەرزکردنەوەی ڕێژەی سەوزایی دادەنرێت، سەرۆکوەزیران مەسرور بارزانی لە ڕۆژی پێنجشەممە 30-10-2025 یەکەم نەمامی لەو پڕۆژەیە ناشت.

لێدوانی فەرمی: سەرۆکوەزیران مەسرور بارزانی، لە مەراسیمی کردنەوەی پڕۆژەی ستراتیجی پشتێنەی سەوزایی هەولێر ڕایگەیاند: ئێمە بە نەرمی و هێمنی بەردەوام دەبین لە ئاوەدانكردنەوەی كوردستان.

لەبارەی گرنگی ئەم پڕۆژە ستراتیجییەوە سەرۆکوەزیران ڕایگەیاند: پشتێنەی سەوزایی كاریگەریی زۆری لەسەر كەشوهەوای هەولێر دەبێت.


هەنگاو بۆ ئاوەدانکردنەوەی زیاتری کوردستان:

مەسرور بارزانی لە بەشێکی دیکەی قسەکانی باسی لەوەکرد: فرەچەشنكردنی ئابووریی كوردستان لە پلان و بەرنامەی ئێمەدا بووە، هەموو ئەو كارانەی كردوومانن بۆ ئەوە بووە وڵاتەكەمان ئاوەدانتر بێت

- لەڕێگەی ئەم پرۆژەیەوە ژینگەیەكی تەندروستتر دابین دەكرێت.

- زۆر گرفتیان بۆ دروست كردین بۆ ئەوەی نەتوانین پڕۆژەكان جێبەجێ بكەین، بەڵام بە سوور بوون لەسەر ئەو باوەڕانەی هەمانە بۆ دابینکردنی ژیانێکی شایستە بۆ هاووڵاتییانمان بەردەوام بووین. 

- دەرگا بۆ كەرتی تایبەت واڵایە بەشداریی لە سەرخستنی پڕۆژەی پشتێنەی سەوزایی بكەن، هەنگاوەکانی ئەمڕۆژەیەش زۆر بە خێرای و بەشێوەیەکی بەردەوام کاری تێدا دەکرێت.