پارێزگاری هەڵەبجە داوایەک ئاڕاستەی هاونیشتمانیان دەکات

ئاڤا نیوز

نوخشە ناسیح، پارێزگاری هەڵەبجە داوایەک ئاراستەی هاونیشتمانیان دەکات و دەڵێت: سەردانی هەڵەبجە بکەن.

چیرۆکی سەرەکی: ئەمڕۆ پێنجشەممە 30-10-2025، فێستیڤاڵی هەنار و پاییزی هەڵەبجە بە 500 کەپر و کۆشکی جووتیاران، باخەوان و فرۆشیارانی بەرمەهە ناوخۆییەکان کرایەوە و ماوەی سێ ڕۆژ بەردەوام دەبێت، لەو ماوەیەدا هاونیشتمان لە هەرێمی کوردستان و خەڵکی ناوەڕاست و خوارووی عێراق سەردانی دەکەن.

لێدوانی فەرمی: نوخشە ناسیح، پارێزگاری هەڵەبجە ڕایگەیاند: دەستڕەنگینیی جووتیارەکانی هەڵەبجە زۆر دڵخۆشمان دەکات، ئێمە چاوەڕێی میوان و گەشتیاری زۆر دەکەین، داوا لە هاووڵاتییانی پارێزگاکانی هەرێمی کوردستان و عێراق دەکەین سەردانی هەڵەبجە بکەن.

زانیاریی زیاتر: بە گوتەی نوخشە ناسیح، پلانیان هەیە لە ساڵانی ئایندە ماوەی فێستیڤاڵی هەڵەبجە درێژ بکەنەوە، چونکە ئەمە یەکێکە لە گەورەترین فێستڤاڵەکان لە کوردستان و عێراق، هەروەها جەختیان لە ژینگەدۆستی و کوالێتیی بەرهەمەکان، بەکارنەهێنانی پلاستیک کردووەتەوە، هەموو هەوڵێک دەدەن کوالێتیی بەرهەمەکان بەرز بکەینەوە و خزمەتگوزاری زیاتر پێشکەش بە خەڵک بکەن.