کەلوپەلی لۆجستی هەڵبژاردن گەیشتوونەتە هەرێمی کوردستان

ئاڤا نیوز

بۆ هەڵبژاردنی پەرلەمانی عێراق، هەموو کەلوپەلی لۆجستی هەڵبژاردن گەیشتوونەتە هەرێمی کوردستان.

وێنە گەورەکە: هەڵبژاردنی پەرلەمانی عێراق 11-11-2025 بەڕێوەدەچێت، بۆ ئەم پرۆسەیەش کۆمسیۆنی باڵای سەربەخۆی هەڵبژاردنەکان بەپێی خشتەی کارەکانی بەردەوامە لە جێبەجێ کردنی ڕێکارەکانی ئامادەکاری بۆ پرۆسەکە.

لێدوانی فەرمی: نەبەرد عومەر، بەرپرسی دەستەی هەڵبژاردنەکانی هەرێمی کوردستان لە کۆمیسیۆنی باڵای هەڵبژاردنەکانی عێراق بە ئاڤا میدیای گوت: هەموو کەلوپەلی لۆجستی پڕۆسەی هەڵبژاردن گەیشتوونەتە کۆگاکانی کۆمیسیۆن لە هەرێمی کوردستان، کە بریتین لە ئامێرەکانی دەنگدان (VVD، RTS، BEKOS)، تۆمارە دەنگدەران، پسوولەی دەنگدان.

- ڕاهێنانمان بە کارمەندانی سەر سندووق کردووە و بەردەوامیشین لە پێدانەوەی کارتی دەنگدان.

- هاوشێوەی هەڵبژاردنی ڕابردوو هەموو بنکەکانی دەنگدان کامێرای چاودێری لێ دادەنرێت.

ئەمەش بزانە: هەفتەی داهاتوو کۆمیسیۆن قوتابخانەکان لە وەزارەتی پەروەردە وەردەگرێت و کەلوپەلەکانی بۆ دەگوازێتەوە، ژمارەی بنکە و وێستگەکانی هەرێمی کوردستانیش بەمجۆرەن:

پارێزگای دهۆک:

بۆ دەنگدانی تایبەت: 43 بنکە و 196 وێستگە 
بۆ دەنگدانی گشتی: 278 بنکە و هەزار و 369 وێستگە
بۆ ئاوارەکان : 23 بنکە و 93 وێستگە 

پارێزگای هەولێر: 

بۆ دەنگدانی تایبەت : 79 بنکە و 385 وێستگە بۆ تایبەت
بۆ دەنگدانی گشتیی: 528 بنکە و دوو هەزار و سێ وێستگە

پارێزگای سلێمانی و پارێزگای هەڵەبجە:

بۆ دەنگدانی تایبەت : 82 بنکە و 378 وێستگە
بۆ دەنگدانی گشتیی: 506 بنکە و دوو هەزار و 200 وێستگە