لە کەرکووک بەهۆی کەوتنەوەی ئاگر لە ناوچەی پیشەسازیی نوێ کەسێک بریندار بوو

ئاڤا نیوز

 

بەهۆی کەوتنەوەی ئاگرێکی گەورە لە کۆگایەکی ڕۆن لە ناوچەی پیشەسازیی نوێ لە کەرکووک هاووڵاتییەک بریندار بوو و دوو ئۆتۆمبێلیش سووتان.

 

کاریگەری و لێکەوتەکان بەگوتەی شایەتحاڵێک کە لە شوێنی ڕووداوەکە قسەی بۆ ئاڤا کردووە، "جارێ دیار نییە هۆکاری ئاگرەکەوتنەوەکە لەو کۆگایە چی بووە".

 

زانیاریی پەیامنێر؛ بەگوێرەی زانیارییەکانی دیار محەممەد، پەیامنێری ئاڤا بەهۆی ئاگرەکەوە هاووڵاتییەک لە کۆگاکە گیری خواردووە و نەیتوانیوە بێتە دەرەوە بەوهۆیەوە دەموچاوی سوواتەوە، دواتر بە هەوڵی کارمەندانی ئاگرکوژێنەوە ڕزگار کراوە، ئێستاش دۆخی تەندروستیی جێگیرە."

 

هەرچی زیانە ماددییەکانە بەگوتەی پەیامنێری ئاڤا ئۆتۆمبێلێکی جۆری بی ئێم و بارهەڵگرێک سووتاون.