بۆ یەکەمجار لە هەڵەبجە کەبابی هەنار پێشکەش بە سەردانیکەران کرا

ئاڤا نیوز

یەکێک لە خواردنە جیاوازەکان کە لە فێستیڤاڵی هەناری هەڵەبجە پێشکەش بە گەشتیاران کرا کەبابی هەنار بوو کە یەکەمجارە لەم جۆرە کەبابە دروست دەکرێت.

چیرۆکی سەرەکی: ئەمرۆ پێنجشەممە یانزەیەمین فێستیڤاڵی هەنار لە هەڵەبجە بەرێوەچوو، تێیدا چەندین جۆر هەناری هەڵەبجە و خواردن و خواردنەوە و کاری دەستی و بەرهەمی خۆماڵی نمایشکرا، بۆ یەکەمجاریش کەباب بە هەنار پێشکەش بە سەردانیکەران کرا.

حەسەن رەباتی کە زیاتر لە 35 ساڵە کاری کەبابچێتی دەکات داهێنانی کردووە و کەبابی هەناری دروست کردووە.

لێدوانی فەرمی: وەستا حەسەن ڕەباتی بە ئاڤای وت، کەبابەکە بە ئاوی هەنار دروست دەکەم و تامی کەبابەکە مزر دەبێت، ڕێنمایی بە کەبابچیەکان دەدات و دەڵێت، پێویستە کەبابی هەنار وشک بێت بۆئەوەی بە جوانی ببرژێت، وتیشی تەنیا هەنار نا تەنانەت پێشتر کەبابی فستق و گازۆ و قەزوان و قازم دروست کردووە سەرجەمیان داهێنانی خۆمە. 

زانیاریی زیاتر: وەستا حەسەن دەڵێت، دەبێت کەبابەکە لەسەر ئاگرێکی کز ببرژێت بۆئەوەی تێکنەچێت و کاتێکیش دەیخۆیت ترشی ناوێت، چونکە خۆی مزرە.