کۆمسیۆن وادەی کۆتایی بانگەشەی هەڵبژاردن دیاری دەکات

ئاڤا نیوز

کۆمیسیۆنی باڵای سەربەخۆی هەڵبژاردنەکان، وادەی بێدەنگیی هەڵبژاردنی دیاری کرد و داوای لە سەرجەم لایەنەکان کرد پابەندی بڕیارەکە بن. 

وێنە گەورەکە:  کۆمیسیۆنی باڵای سەربەخۆی هەڵبژاردنەکانی عێراق ڕۆژی هەینی 3-10-2025، وەک یەکەم ڕۆژ بۆ دەستپێکردنی بانگەشەی هەڵبژاردنی پەرلەمانی عێراق دیاری کرد و بڕیاریدا بۆ ماوەی 37 ڕۆژ بەردەوام بێت.

لێدوانی فەرمی: جومانا غەلای، وتەبێژی فەرمی کۆمیسیۆن، ڕایگەیاند:  کاتژمێر حەوتی بەیانی، ڕۆژی شەممە، 8-11-2025  بێدەنگیی هەڵبژاردن دەستپێدەکات.

زانیاریی زیاتر: غەلای ئاماژەی بەوەشدا، دەستپێکردنی بێدەنگیی هەڵبژاردن بە واتای کۆتاییهاتنی ئەو ماوەیە دێت کە بۆ بانگەشەی هەڵبژاردنی کاندیدەکان دیاریکرابوو و دەبێت هەموو پێوەی پابەندبن. 

ئەمەش بزانە: بڕیارە هەڵبژاردنی پەرلەمانی عێراق 11-11-2025 بەڕێوەبچێت، بۆ ئەەو هەلبژاردنەش 21 ملیۆن و 404 هەزار و 291 کەس مافی دەنگدانیان هەیە، زیاتر لە حەوت هەزار کاندیدیش کێبڕکێ لەسەر 329 کورسییەکەی پەرلەمان دەکەن.