سعوودیە ماوەی بەسەرچوونی ڤیزای عومرە کەمدەکاتەوە

ئاڤا نیوز

بڕیارە لە سەرەتای هەفتەی داهاتووەوە، سعوودییە ماوەی بەسەرچوونی ڤیزای عومرە لە سێ مانگەوە بۆ یەک مانگ لە ڕۆژی دەرچوونییەوە کەمبکاتەوە.

زانیاریی بەدەستهاتوو: بەپێی سەرچاوەکانی سعوودیە کە زانیاریی نوێیان لەبارەی پێدانی فیزا بڵاوکردووەتەوە، ئەگەر عومرەکار لە ماوەی 30 ڕۆژ لە ڕۆژی دەرچوونی ڤیزاکەی نەچێتە نێو خاکی سعوودیەوە، ئەوا ڤیزاکەی پووچەڵ دەبێتەوە.

زانیاریی زیاتر: هاوکات باس لەوەشکراوە هیچ گۆڕانکارییەک لە ماوەی مانەوەی عومرەکاران پاش گەیشتنیان بە خاکی سعوودیە نەکراوە و هێشتا ڕێگەیان پێ دەدرێت بۆ ماوەی سێ مانگ لەو وڵاتە بمێننەوە.

ئەوەی پێویستە بیزانیت: بەپێی ئاماری فەرمی لایەنە پەیوەندیدارەکانی سعوودیە، لە سەرەتای وەرزی نوێی عومرەوە واتە لە مانگی حوزەیرانی ڕابردووەوە، ژمارەی ڤیزای دەرچوو بۆ عومرەکاران چوار ملیۆن ڤیزای تێپەڕاندووە.