سوودانی بۆ کۆپەر: ژینگەی وەبەرهێنان بەرامبەر بەریتانیا کراوەیە

ئاڤا نیوز

محەممەد شیاع سوودانی، ئاشکرای کرد، ژینگەی وەبەرهێنان لە عێراقدا لە گەشەکردندایە و کراوەیە بەرامبەر کۆمپانیا جیهانییەکان بەتایبەتیش بەریتانیا. 

چیرۆکی سەرەکی: بەگوێرەی ڕاگەیێنراوی نووسینگەی سەرۆکوەزیرانی عێراق، شەوی پێنجشەممەی ڕابردوو 30-10-2025، سوودانی پەیوەندییەکی تەلەفۆنی لە ئیڤێت کۆپەر، وەزیری دەرەوەی بەریتانیا،  پێگەیشتووە و تێیدا تاوتوێی چەند بابەتێکی سیاسیی و ئابووریان کردووە. 

ڕاگەیێنراوی فەرمی: بەپێی بەیاننامەکە، بابەتی سەرەکی  پەیوەندییەکەی نێوان سوودانی و کۆپەر، هاوکاری هاوبەش لە بوارەکانی ئابووری، بازرگانی، گەشەپێدان، پڕۆژەکانی ژێرخان، پتەوکردنی ڕێککەوتننامە و لێکتێگەیشتنەکان نێوان عێراق و بەریتانیا بووە.

زانیاریی زیاتر: هەر بەپێی ئەو بەیاننامەیە سوودانیی دووپاتکردووەتەوە، ژینگەی وەبەرهێنان لەعێراقدا بەردەوام گەشە دەکات و بەرامبەر کۆمپانیا جیهانییەکان کراوەیە.