لە هەولێر دوازدەیەمین ماراسۆنی نێودەوڵەتیی بە بەشداری هەزاران كەس بەڕێوەچوو

ئاڤا نیوز

لەژێرناونیشانی " ڕۆژێك بۆ هەمووان " لە شاری هەولێر دوازدەیەمین ماراسۆنی نێودەوڵەتیی بەڕێوەچوو.

چیرۆكی سەرەكی: ئەمڕۆ هەینی 2025.10.31، بە بەشداریی ئومێد خۆشناو، پارێزگاری هەولێر و هەزاران ڕاكەری نێوخۆیی و بیانی بۆ جاری دوازدەیەمین ماراسۆنی نێودەوڵەتی هەولێر لە  شاری هەولێر  لەژێرناونیشانی " ڕۆژێك بۆ هەمووان " بەڕێوەچوو كە لەلایەن ڕێكخراوی ئەربیل ماراسۆن بۆ وەرزش و ئاشتی ڕێكخرابوو.

زانیاریی بەدەستهاتوو: ماراسۆنەكە لە سەر سێ ئاستی  جیاواز دەستی پێكرد، بەمشێوەیە:-

-    ماراسۆنی 42 كیلۆمەتر كە بە ماراسۆنی ماوە درێژ ناسراوە، بە ستانداردێكی جیهانی بەرەبەیانی ئەمڕۆ دەستی پێكردووە كە تێیدا تەنیا ئەو كەسانە بەشدارییان كرد كە وەرزشكاری ڕاستەقینەن و ئەزموونی ماراسۆنیان هەیە كە ژمارەیان نزیكەی 400 ركابەر و وەرزشكاربوون.

-     لە ماراسۆنی 42 كیلۆمەتری چەندان وەرزشكاری ناسراو لەسەر ئاستی ناوخۆ و دەرەوە بەشدارییان كردووە و چوار جار بە دەوری شەقامی 60 مەترسی شاری هەولێر دا سوڕانەوە.

-     ماراسۆنی 12 كیلۆمەتری، كە تێیدا سووڕانەوەیە بۆ یەكجار بە دەوری شەقامی 60 مەتری، لە هەمان كاتدا ماراسۆنی دوو كیلۆمەتری بەڕێوەچوو كە زیاتر ماراسۆنێكە بۆ منداڵان و خێزانەكان.