موقتەدا سەدر: لە گەندەڵکار تەنیا گەندەڵی بەدی دەکرێت

ئاڤا نیوز

موقتەدا سەدر، ڕابەری ڕەوتی نیشتمانیی شیعە، وەڵامی زانیارییەک سەبارەت بە ئەگەری ساختەکاری لە بنکەکانی دەنگدان لە ناوچەکانی سەدر، دەداتەوە و دەڵێت: " لە گەندەڵکار تەنیا گەندەڵی بەدیدەکرێت".

بڵاوکراوەی فەرمی: نووسینگەی ڕاگەیاندنی موقتەدا سەدر بەڵگەنامەیەکی بڵاو کردووەتەوە،  تێیدا پوختەی زانیارییەک کە نێردراوە بۆ ڕابەری ڕەوتی نیشتمانیی شیعە، سەبارەت بە پلانێکی  ساختەکاری لە بنکەکانی هەڵبژاردن لەو ناوچانەی کە پێگەی سەدرییەکان بەتایبەتی ناوچەی سەدر تێیدا بەهێزە بەمەبەستی لاوازکردنی بنەمای بایکۆتی هەڵبژاردن ئاشکرا دەکات.

زانیاریی زیاتر: لەبەڵگەنامەکەدا موقتەدا سەدر وەڵامی ئەو زانیارییانە دەداتەوە و  نووسیویەتی، یاری و چەواشەکارییەکانیان ئاشکرا بوون، چونکە لە گەندەڵکار تەنیا گەندەڵی بەدی دەکرێت.

ئەمەش بزانە: ڕەوتی نیشتمانیی شیعە لەوان نییە و ئەو کارانەش ناکات کە هیچ پەیوەندییەکیان بە ڕێبازی ئێمەوە نییە، بەڵکو ململانێی هەڵبژاردنن لەنێوان ئەوان بەشێوەیەک پەرەی سەندووە کە هیچ شەرعیەتێکی بۆ هەڵبژاردنەکان نەهێشتووەتەوە، موقتەدا سەدر ئەمەشی نووسیوە.