نێچیرڤان بارزانی: کەموکوڕییەکانی سلێمانی و دەوروبەری خەمێکی گەورەن بۆ پارتی

ئاڤا نیوز

نێچیرڤان بارزانی بە دەنگێکی دلێر لەناو خەڵکی شاری سلێمانییەوە ڕایگەیاند: ئێمە قەرزاری سلێمانین و کاتی ئەوە هاتووە بەشێک لەو قەرزە بدەینەوە، خەڵکی ئەم دەڤەرە شایەنی ئەوەن زیاتریان بۆ بکرێت. 

چیرۆکی سەرەکی: ئەمڕۆ یەکشەممە بە ئامادەبوونی سەدان کەس لە سلێمانی کەرنەڤاڵی جەماوەری پشتیوانی لە لیستی 275ـی پارتی دیموکراتی کوردستان بە ئامادەبوونی نێچیرڤان بارزانی، جێگری سەرۆکی پارتی بەڕێوەچوو. 

پەیامی فەرمی: نێچیرڤان بارزانی، جێگری سەرۆکی پارتی دیموکراتی کوردستان ڕایگەیاند، لەم دەڤەرە دژایەتییەکی زۆر بە پلان بەرامبەر بە پارتی کراوە، پارتی بە کار و ئاوەدانی و پڕۆژە وەڵامی دژایەتییەکان دەداتەوە، ئێستا داوا لە خەڵکی سلێمانی و هەڵەبجە دەکەین دەرفەت بە پارتی بدەن بزانن چ ئاوەدانییەک دێتە ناوچەکە.

نێچیرڤان بارزانی لە وتارەکەیدا ئەمانەشی وت:

٠ ئەم ناوچەیە خاوەنی سامانی سرووشتی و ئاو و ناوچەی گەشتیاریی زۆر جوانە، بەڵام خزمەتی دەوێت. ئەو کەموکوڕیانە مایەی دڵخۆشی نین بۆ پارتی و خەمێکی گەورەن بۆمان. لەم دەڤەرە بە پلان و بەرنامە دژایەتییەکی زۆری پارتی کراوە، پارتی بە کار و ئاوەدانی و پڕۆژە وەڵامی دژایەتییەکان دەداتەوە.

٠ پارتی بەبێ سلێمانی ناتەواوە، ئێمە قەرزاری سلێمانین، کاتی ئەوە هاتووە بەشێک لەو قەرزە بدەینەوە، خەڵکی ئەم دەڤەرە شایەنی ئەوەن زیاتریان بۆ بکرێت، پێویستە سلێمانی بگەڕێتەوە پێگەی شایستەی جارانی.

٠ بەرنامەی پارتی گەورەیە بۆ ئەم ناوچەیە، داواکاریی خەڵکی سلێمانی، هەڵەبجە، گەرمیان و ڕاپەڕین ئەرکی سەر شانمانە.

٠ هەرێمی کوردستان و پارتی بەبێ ئەم ناوچەیە ناتەواون.

٠ کەموکوڕییەکانی ئەم دەڤەرە خەمێکی گەورەن بۆ پارتی.

٠ دەمانەوێت دەنگی پارتی لەم ناوچەیە زیاد بکەین.

٠ پارتی لە هەر کوی بێت ئاوەدانیی زیاتر دەبێت.

٠ هەموومان قەرزاری سلێمانین.

٠ دەبێت سلێمانی پەرلەمانتارانی کوردستانپارێز بنێرێتە پەرلەمان.

٠ لەم دەڤەرە دژایەتیی زۆری پارتی کراوە.