سەرۆکوەزیران مەسرور بارزانی لە حاجی ئۆمەران سەردانی هێزەکانی پێشمەرگەی کرد

ئاڤا نیوز

مەسرور بارزانی، سەرۆکی حکومەتی هەرێمی کوردستان، سەردانی فەرماندەیی هێزەکانی پشتیوانیی یەكی پێشمەرگەی لە حاجی ئۆمەران کرد.

چیرۆکی سەرەکی: سەرۆکوەزیران مەسرور بارزانی، ئەمڕۆ سەردانی ئیدارەی سەربەخۆی سۆرانی کرد، وێڕای کردنەوەی پڕۆژەی جووتسایدی سۆران – حاجی ئۆمەران، سەردانی فەرماندەیی هێزەکانی پشتیوانیی یەكی پێشمەرگەی لە حاجی ئۆمەران کرد و لەلایەن فەریق سیهاد بارزانی فەرماندەی فەرماندەییەکە پێشوازی لێکرا.

ڕاگەێنراوی فەرمی: ماڵپەڕی حکومەتی هەرێمی کوردستان بڵاوی کردەوە، لە میانی سەردانەکەی سەرۆکوەزیران مەسرور بارزانی بۆ لای هێزەکانی پێشمەرگە ، ستایشی خۆڕاگری و قوربانیدانی پێشمەرگەی کرد کە هەمیشە بەرگریکار و پارێزەری دەسکەوتە نیشتمانییەکان و قەوارەی دەستووری و ئاسایش و ئارامیی هەرێمی کوردستانن.