مارک ساڤایە یەکەم پەیامی بە زمانی کوردی بڵاودەکاتەوە

ئاڤا نیوز

مارک ساڤایە، نێردەی تایبەتی سەرۆکی ئەمریکا بۆ عێراق تەنیا 16 ڕۆژە لە ئەرکەکەی بەردەوامە و لە هەژماری تایبەتی خۆی لە تۆڕی ئێکس یەکەم پەیامی خۆی بە زمانی کوردی شێوەزاری سۆرانی بڵاوکردەوە. 

چیرۆکی سەرەکی: مارک ساڤایا، هاوڵاتییەکی کلدانی ئەمریکییە و بنەچەی دەگەڕێتەوە بۆ کلدانەکانی عێراق، ئەوەی لەبارەیەوە دەگوترێت ئەوەیە کە یەکێک لە ئەرکەکانی دوورخستنەوەی هەر لایەنێکی نزیک لە ئێرانە لە حکومەتی داهاتووی عێراق، بەتایبەتی گرووپە چەکدارەکان.

 

پەیامی فەرمی: مارک ساڤایا لە تۆڕی "ئێکس" نووسیویەتی: پیرۆزە لە هەردوو گه‌لى کۆماری عێراق و کۆماری تورکیا، دەستخۆشی لە حکومەتی عێراق دەکەم و ئەو ڕێککەوتنە بەرز دەنرخێنم لەنێوان کۆماری عێراق و کۆماری تورکیادا واژۆ کراوە بۆ چارەسەرکردنی کێشە بەردەوامەکانی بەڕێوەبردنی ئاو لەنێوان هەردوو وڵاتدا.

 

ساڤایە ئەوەشی نوسیووە: ئەم ڕێککەوتنە هەنگاوێکی بەرچاوە بۆ بەرزکردنەوەی هاوکارییەکانی ناوچەکە و دەستەبەرکردنی دەستڕاگەیشتنێکی بەردەوام بە سەرچاوە ئاوییە گرنگەکان کە گرنگن بۆ بژێوی ژیانی ملیۆنان عێراقی ئه‌وانه‌ى بەهۆی وشکەساڵی و کەميی ئاوەوە زیانیان بەرکەوتووە. ئەمه‌ریکا پابەنديی بەهێزی خۆی بۆ پشتگيرى له‌ عێراق و گەلەکەی دووپاتدەکاتەوە لەپێناو سەقامگیريی زیاتر و خۆشگوزەرانی و ژینگەیەکی بەردەوامدا.