پارتی لە هەولێر گەورەترین کەرنەڤاڵی بانگەشە ڕێکدەخات و سەرۆک بارزانی بەشداردەبێت

ئاڤا نیوز

 

سبەی هەینی بە ئامادەبوونی سەرۆک بارزانی و بە بەشداریی هەزاران ئەندام و لایەنگری پارتی دیموکراتی کوردستان گەورەترین کەرنەڤاڵی جەماوەریی بانگەشەی هەڵبژاردنی پارتی بۆ لیستی 275 بەڕێوەدەچێت.

 

وێنە گەورەکە: لە چوارچێوەی پڕۆسەی بانگەشەی هەڵبژاردن لایەنە بەشدارەکانی هەڵبژاردنی پەرلەمانی عێراق کەرنەڤاڵی گەورەی بانگەشەی هەڵبژاردن ئەنجام دەدەن و پارتی دیموکراتی کوردستانیش جیاواز لە لایەنەکانی دیکە گڕ و تینێکی زۆری پێوەدیارە.

 

لێدوانی فەرمی: ئومێد خۆشناو، ئەندامی کۆمیتەی ناوەندی پارتی بە ئاڤای گوت، "ڕۆژی هەینی هەزاران ئەندام و لایەنگری پارتی لە یاریگەی فڕەنسۆ هەریری دەبن، بۆ بەشداری کردن لە گەورەترین کەرنەڤاڵی بانگەشەی هەڵبژاردن بۆ لیستی 275ـی پارتی."

 

ئەمەش بزانە: پارتی دیموکراتی کوردستان، لە سنووری پارێزگای هەولێر خاوەنی جەماوەرێکی زۆرە، لە هەڵبژاردنی خولی پێنجەمی پەرلەمانی عێراق، توانی 262 هەزار و 800 دەنگ بەدەست بهێنێت کە ڕێژەی 59.2٪ـی دەنگی پارێزگاکە بوو.