سەدان ئەندام و لایەنگری یەکێتی و بەرەی گەل پەیوەندییان بە ڕیزەکانی پارتی کرد

ئاڤا نیوز

ئەمڕۆ پێنجشەممە سەدان ئەندام و لایەنگری یەکێتی نیشتیمانی کوردستان و بەرەی گەل، لە سنووری ئاکرێ پەیوەندییان بە ڕیزەکانی پارتی دیموکراتی کوردستان کرد و بەڵێنیان دا دەنگ بە لستی 275ـی پارتی دیموکراتی کوردستان بدەن.

لێدوانی فەرمی: مەردان خدر، بەرپرسی لقی نۆی پارتی دیموکراتی کوردستان ڕایگەیاند: ژمارەیەک ئەندام و لایەنگری یەکێتی نیشتمانی کوردستان کە نوێنەرایەتیی 275 ئەندام دەکەن پەیوەندییان بە ڕیزەکانی پارتی دیموکراتی کوردستان کرد، هاوکات ژمارەیەک ئەندام و لایەنگری بەرەی گەل کە نوێنەرایەتیی 60 ئەندام دەکەن پەیوەندییان بە ڕیزەکانی پارتییەوە کرد.

زانیاریی زیاتر: بەرپرسی لقی نۆی پارتی دیموکراتی کوردستان، ئەو کەسانەی پەیوەندییان بە ڕیزەکانمان کردووە، گەیشتوونەتە ئەو باوەڕەی تەنیا پارتییە داکۆکیکار و خزمەتکاری خەڵکە لە هەرێمی کوردستان و عێراق.

گوتیشی، داوا لە هەموو ئەندام و لایەنگرانمان دەکەین دەنگ بە لیستی پارتی بدەن، لەبەرئەوەی پێمان وایە تەنیا پارتییە خزمەتی هەموو خەڵك دەکات و پڕۆژە و خزمەتگوزاری پێشکەشی هەموو چین و توێژەکان بەبێ جیاوازی دەکات.