مەسرور بارزانی: بۆ فرەچەشنکردنی داهات بەرنامەیەکی پتەوی کشتوکاڵیمان داناوە

ئاڤا نیوز

سەرۆکوەزیران مەسرور بارزانی لەمیانەی گفتوگۆ لەگەڵ گەنجان باسی لەوەکرد، بۆ فرەچەشنکردنی داهات و ئابووریی هەرێمی کوردستان بەرنامەیەکی پتەوی کشتوکاڵیمان دانا، لەو ڕێگەیەوە چیتر جووتیاران بەرهەمەکانیان فڕێ نەدا.

چیرۆکی سەرەکی: مەسرور بارزانی سەرۆکوەزیرانی کوردستان لەمیانەی گفتوگۆ لەگەڵ گەنجان هەرێمی کوردستان لەسەر قەڵای هەولێر، چەند پرسێکی تایبەتی لەمیانەی وتەکانیدا وروژاند و دیدگای خۆی بۆ خزمەتی گەنجان خستەڕوو. 

لێدوانی فەرمی: سەرۆکوەزیران باسی لە فرەچەشنکردنی داهات و ئابووریی کوردستان کرد و ڕایگەیاند، بەرنامەیەکی پتەوی کشتوکاڵیمان دانا، لەو ڕێگەیەوە چیتر جووتیاران بەرهەمەکانیان فڕێ نەدا.

لە بەشێکی دیکەی قسەکانیدا ڕایگەیاند: بووژانەوەی کەرتی گەشتیاری هەلی کاری زۆر دەڕەخسێنێت، بۆ ئەم مەبەستەش "بەرنامەی زۆر گەورەمان بۆ هەموو هەرێمی کوردستان هەیە".

هەنگاوی داهاتوو: مەسرور بارزانی دەڵێت، "لە کابینەی داهاتوو گرنگی زۆر بە پیشەسازی دەدەین و هەوڵ دەدەین زانست و تەکنۆلۆژیای وڵاتان بهێنینە کوردستان".

- لە نزیک دهۆک کۆمپانیای تویۆتا شوێنی لێکدانی پارچەکانی ئۆتۆمبێلی داناوە و هەلی کاری ڕەخساندووە، "بەنیازیشین داوا لە کۆمپانیا گەورەکان بکەین بەشێک لە کارەکانیان بهێننە هەرێمی کوردستان"، تاوەکو گەنجان بگەنە ئەو باوەڕەی خۆی دەتوانێت وڵاتەکەی ئاوەدان بکاتەوە.

نوێدەکرێتەوە..