حکومەتی کوردستان دوو ڕۆژ بۆ فەرمانبەرانی ناوچە کوردستانییەکانی دەرەوەی ئیدارەی هەرێم دەکاتە پشوو

ئاڤا نیوز

بۆ بەشداری لە دەنگدانی تایبەت وەک ئاسانکارییەک، حکومەتی هەرێمی کوردستان دوو ڕۆژ پشووی بۆ فەرمانبەرانی ناوچە کوردستانییەکانی دەرەوەی ئیدارەی هەرێمی کوردستان ڕاگەیاند.

چیرۆکی سەرەکی: ڕۆژی یەکشەممە 9-11-2025 پرۆسەی دەنگدانی تایبەت و ڕۆژی 11-11 پرۆسەی دەنگدانی گشتی لە سەرتاسەری عێراق بەڕێوەدەچێت.

ڕاگەیێنراوی فەرمی: حکومەتی هەرێمی کوردستان ڕایگەیاند، بە مەبەستی ڕەخساندنی ئاسانکاریی بەشداری لە پرۆسەی هەڵبژاردن، بۆ فەرمانبەرانی حکومەتی هەرێم کە لە ناوچە کوردستانییەکانی دەرەوەی ئیدارەی هەرێم دەنگ دەدەن، ڕۆژی دووشەممە و سێشەممە 10 و 11ـی 11ـی 2025 پشوو دەبێت.

بەگوێرەی ڕاگەیێنراوەکەی حکومەتی هەرێمی کوردستان، بۆ فەرمانبەرانی هەرێمی کوردستانیش تەنیا ڕۆژی سێشەممە 11-11-2025 پشوو دەبێت.