تەرمی دووەم خنکاوی لافاوەکەی دهۆک دۆزرایەوە

ئاڤا نیوز

 

دوای 17 ڕۆژ لە بێسەروشوێنبوونی، تەرمی دووەم خنکاوی لافاوەکەی دهۆک دۆزرایەوە.

 

چیرۆکی سەرەکی: ڕۆژی 19ـی ئادار لافاو سنووری پارێزگای دهۆکی گرتەوە و بەهۆیەوە سێ هاونیشتمانی گیانیان لەدەستدا؛ تەرمی دووانیان دۆزراوەتەوە و هێشتا گەڕان بەدوای کەسەکەی دیکە بەردەوامە.

 

لێدوانی فەرمی: بێوار عەبدولعەزیز، گوتەبێژی بەرگریی شارستانیی دهۆک بە ئاڤا نیوزی ڕاگەیاند: "تەرمی دووەم خنکاوی لافاوەکەی دهۆک دۆزرایەوە".

 

ئەوەی پێویستە بیزانیت: ئەم کەسەی تەرمەکەی دوزاروەتەوە، ناوی عومەر مەحموودە و دەکاتە مامی ئەو کەسەی کە لە ڕۆژی 28ـی ئادار تەرمەکەی دوزاریەوە.