مەڕوان محەممەد: هەر کەسێک پێشێلکاری بکات ڕێکاری بەرامبەر دەگیرێتەبەر

ئاڤا نیوز

بەرپرسی ئۆفیسی کۆمیسیۆنی باڵای سەربەخۆی هەڵبژاردنەکانی عێراق لە هەولێر ڕایگەیاند، بانگەشەی هەڵبژاردن ڕاگیراوە و هەر کەسێک بیەوێت پێشێلکاری بکات، ئەوا ڕێکاری یاسای بەرامبەر دەگرینەبەر.

لێدوانی فەرمی: مەروان محەممەد، بەرپرسی ئۆفیسی کۆمیسیۆنی باڵای سەربەخۆی هەڵبژاردنەکانی عێراق لە هەولێر لە کۆنگرەیەکی ڕۆژنامەوانیدا ڕایگەیاند: پڕۆسەی دەنگدانی تایبەت لە کاتژمێر 07:00ی بەیانییەوە دەستیپێکرد و سەرەتا هیچ گرفتێک نەبوو، دواتر لە دوو وێستگەی دەنگدان کێشەی ئامێرمان بۆ دروست بوو، بەڵام ئامێری یەدەگمان هەبوو و کێشەکەمان چارەسەر کرد.

٠ مەروان محەممەد وتیشی: بانگەشەی هەڵبژاردن ڕاگیراوە و ئەگەر هەر کەسێک بیەوێت پێشێلکاری بکات، ئەوا ڕێکاری بەرامبەر دەگیرینەبەر.

لەلایەکی دیکەوە: بەرپرسەکەی کۆمیسیۆن باسی لەوەشكرد: هەر کەسێک هەڵە بکات و کاغەزەکەی تێکبچێت، دەتوانرێت هەر لەو بنکەیە کاغەزێکی دیکەی بۆ دابین بکرێت.