نەبەرد عومەر: پرۆسەی هەڵبژاردنی گشتی بەبێ گرفت بەردەوامە

ئاڤا نیوز

بەرپرسی دەستەی هەڵبژاردنی هەرێمی کوردستان جەخت لەوەدەکاتەوە، پرۆسەی هەڵبژاردن بەبێ گرفت بەردەوامە و سەرجەم کێشە هونەرییەکان چارەسەر کراون. 

چیرۆکی سەرەکی: بەرەبەیانی ئەمڕۆ سێشەممە پرۆسەی دەنگدان بۆ خولی شەشەمی پەرلەمانی عێراق دەستیپێکرد و تاوەکو کاتژمێر شەشی ئێوارەی هەمان ڕۆژ بەردەوام دەبێت.

لێدوانی فەرمی: نەبەرد عومەر، بەرپرسی دەستەی هەڵبژاردنی هەرێمی کوردستان لە کۆمیسیۆنی هەڵبژاردنەکان عێراق لە کۆنگرەیەکی ڕۆژنامەوانیدا ڕایگەیاند: لە کاتژمێر حەوتی بەرەبەیانییەوە پڕۆسەی دەنگدان بۆ خولی شەشەمی پەرلەمانی عێراق دەستیپێکردووە، لە هەرێمی کوردستان 1312 بنکەی دەنگدان هەیە کە 5999 وێستگەی دەنگدانیان تێدایە و هەموویان بێ گرفت بەردەوامن لە پڕۆسەکە.

لە بەشێكی دیکەی قسەکانیدا باسی لەوەشكرد، ئەو کێشە هونەریانەی لە چەند ناوەندێکی دەنگدان هەبوون سەرجەمیان چارەسەر کراون. 

لەلایەکی دیکەوە: لیوا تاریق ڕایگەیاند: سەرجەم ناوەندەکانی دەنگدان بە پشتێنەیەکی ئەمنی وەزارەتی ناوخۆی حکومەتی عێراق پارێزراون، ئەمەش بۆ ئەوەیە هاووڵاتیانمان لە کەشێکی ئارامدا بەشداری لە پرۆسەی دەنگدان بکەن.