کۆمیسیۆن لەسەر دوورخستنەوەی کاندیدەکان ڕوونکردنەوە دەدات

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق ڕایدەگەیێنێت، ئەو دەنگۆیانەی لە چەند ڕۆژی ڕابردوودا لە تۆڕە کۆمەڵایەتییەکان بڵاوکراونەتەوە گوایە کۆمیسیۆن ژمارەیەک بەربژێری دوورخستووەتەوە، "دوورن لە ڕاستییەوە."

بڵاوکراوەی فەرمی: کۆمیسیۆن دووپاتیکردەوە "ئەم هەواڵانە بە هیچ شێوەیەک پەیوەندییان بە ڕاستییەوە نییە و تەنیا پڕوپاگەندەن بۆ چەواشەکردنی ڕای گشتی." بۆیە، کۆمیسیۆن داوا لە هاووڵاتیان و دەزگاکانی ڕاگەیاندن دەکات زانیارییەکان تەنیا لە سەرچاوە فەرمییەکانەوە وەربگرن و پێش بڵاوکردنەوەی هەر هەواڵێک، وریایی و وردبینی بنوێنن.

زانیاریی زیاتر: کۆمیسیۆن ڕوونیشیکردەوە "دوا بڕیاری دوورخستنەوەی کاندیدەکان هەفتەی ڕابردوو بووە و هیچ بڕیارێکی نوێی دوورخستنەوە نییە تاوەکو ڕۆژی دەنگدانی گشتی."