سبەی چوارشەممە لە عێراق کرایە پشووی فەرمی

ئاڤا نیوز

بە بڕیاری سەرۆکوەزیرانی عێراق، سبەی چوارشەممەی لە سەرجەم فەرمانگە و دامەزراوە فەرمییەکانی دەوڵەت، جگە لەوانەی کە ئەرکی بەردەوامییان هەیە، پشووی فەرمی دەبێت.

چیرۆکی سەرەکی: بە بەشداریی زیاتر لە 20 ملیۆن دەنگدەر بەرەبەیانی ئەمڕۆ سێشەممە پڕۆسەی دەنگدان بۆ خولی شەشەمی پەرلەمانی عێراق لەسەرانسەری وڵات دەستیپێکرد و پرۆسەکە تاوەکو کاتژمێر شەشەی ئێوارە بەردەوام دەبێت. 

ڕاگەیێنراوی فەرمی: بەگوێرەی ڕاگەیێنراوی نووسینگەی سەرۆکوەزیرانی عێراق، سەرۆکوەزیرانی عێراق فەرمانیکردن سبەی چوارشەممە پشووی فەرمی بێت لە سەرجەم فەرمانگە و دامەزراوە فەرمییەکانی دەوڵەت، جگە لەوانەی کە ئەرکی بەردەوامییان هەیە.

هۆکارە زانراوەکان: بەگوێرەی ڕاگەیێنراوەکە، بڕیارەکە بە ئامانجی ڕەخساندنی دەرفەتە بۆ کۆمیسیۆنی باڵای سەربەخۆی هەڵبژاردنەکان و دەزگا ئەمنییەکان، بۆ تەواوکردنی پێداویستییەکانی گواستنەوەی سندوقەکانی دەنگدان و چۆڵکردنی ئەو قوتابخانانەی وەک بنکەی هەڵبژاردن بەکارهێنراون.