فازڵ میرانی: دەبێت هەوڵبدەین عێراق سیستمی پەرلەمانی بێت نەک میحوەری

ئاڤا نیوز

فازڵ میرانی، لە کۆنگرەیەکی ڕۆژنامەوانیدا ڕایگەیاند: دەبێت هەوڵبدەین سیستمی عێراق پەرلەمانی بێت، نەک سیستمی میحوەری یان پێکهاتەی.

چیرۆکی سەرەکی: بەرەبەیانی ئەمڕۆ سێشەممە پرۆسەی دەنگدانی گشتی بۆ پەرلەمانی عێراق دەستیپێکرد و زیاتر لە 20 ملیۆن دەنگدەر لە زیاتر لە 39 هەزار وێستگەی دەنگدان مافی بەشدارییان لەو پرۆسەیە هەیە. 

لێدوانی فەرمی: فازڵ میرانی، بەرپرسی دەستەی کارگێڕی مەکتەبی سیاسیی پارتی دیموکراتی کوردستان ڕایگەیاند: دەنگ بە دەستوور درا، بەڵام ئەوەی ئەولەوییەت بێت وەکو ماددەی 140 و ئارامی و ئیستقرار و مانەوەی مافی پێکهاتەکانە، بەداخەوە پەرلەمان بەلایاندا نەچووە.

 فازڵ میرانی ئاماژەی بەوەش کرد، دوای هەڵبژاردن تەماشا دەکەین بزانین کام لایەن زۆرترین دەنگ بەدەست دەهێنێت وە کام بەرەیە لە ڕووی بیر و بۆچوون و هەنگاونان بۆ چارەسەرکردنی کێشەکانی عێراق لە ئێمەوە نزیکە، چونکە لەسەرەتای دروستبوونی عێراقەوە کێشەی کورد لە پێشینەی کێشەکانی عێراقە.