سەرچاوەیەک لە ئەنجوومەنی وەزیرانی هەرێمی کوردستان: سبەی پشووی فەرمییە

ئاڤا نیوز

حکومەتی هەرێمی کوردستان سبەی چوارشەممەی لە سەرجەم دامەزراوە حکومییەکان کردە پشووی فەرمی.

چیرۆکی سەرەکی: ئەمڕۆ سێشەممە پرۆسەی دەنگدانی گشتی لە تەواوی پارێزگاکانی عێراق بەڕێوەدەچێت، بەهۆی ئەوەی پرۆسەکە بەردەوامە و ناوەندەکانی خوێندن کراون بە بنکەی دەنگدان، حکومەتی عێراق پێشتر پشووی فەرمی ڕاگەیاند. 

زانیاریی تایبەت: سەرچاوەیەک لە ئەنجوومەنی وەزیرانی هەرێمی کوردستان بە ئاڤای ڕاگەیاند: هاوشێوەی پارێزگاکانی دیکەی عێراق، سبەی چوارشەممە لە کوردستانیش پشووی فەرمی دەبێت. 

ئەو سەرچاوەی ئەنجوومەنی وەزیران باسی لەوەشکرد، بە ئامانجی ئاسانکاریی کردن بۆ ئەو هاووڵاتییانەی بەشدارییان کردووە لە پرۆسەی دەنگدان و لە دەرەوەی هەرێمی کوردستان هاتوون یان بۆ دەنگدان گەڕاونەتەوە شارەکانی خۆیان، تاوەکو تووشی زەحمەتی گەڕانەوە نەبن، سبەی لە تەواوی دام و دەزگا فەرمییەکانی حکومەت پشووی فەرمی دەبێت. 

زانیاریی زیاتر: هاوکات بەهۆی ئەوەی بەشی زۆر ناوەندەکانی خوێندن کراون بە بنکەی دەنگدان، وە بۆ تەواوکردنی کارەکانی کۆمیسیۆنی هەڵبژاردنەکانی عێراق ئەم بڕیارە دراوە.