میدیای یەکێتی: ڕێبوار تەها لە کەرکووک زیاتر لە 100 هەزار دەنگی بەدەستهێنا

ئاڤا نیوز

 

بەگوێرەی میدیای یەکێتی ڕێبوار تەها، سەرۆکی لیستی یەکێتیی لە کەرکووک زیاتر لە 100 هەزار دەنگی بەدەستهێنا.

 

وێنە گەورەکە؛ پرۆسەی دەنگدانی گشتی بۆ خولی شەشەمی پەرلەمان،  ڕۆژی سێشەممە کۆتاییهات، نزیکەی 21 ملیۆن دەنگدەر لە کۆی نزیکەی 46 ملیۆن هاووڵاتی عێراقی مافی هەڵبژاردنی 329 نوێنەریان هەبوو بۆ خولی داهاتووی ئەنجوومەنی نوێنەران. زیاتر لە حەوت هەزار کاندید، لە هەردوو ڕەگەز، کێبڕکێ لەسەر بەدەستهێنانی 329 کورسی پەرلەمان دەکەن.

 

ڕاگەیێنراوی فەرمی؛ میدیای فەرمیی یەکێتیی نیشتمانیی کوردستان بڵاوی کردەوە، بەپێی ئەنجامە بەراییەکان، ڕێبوار تەها، سەرۆکی لیستی یەکێتیی نیشتمانیی کوردستان لە کەرکووک زیاتر لە 100 هەزار دەنگی بەدەستهێناوە.

 

ژمارەکان وادەڵێن؛ بەگوێرەی ئەنجامە بەراییەکانی هەڵبژاردن یەکێتی توانی 552 هەزار و 964 دەنگ بەدەستبهێنێت؛ هەرچی ژمارەی کورسییەکانییەتی، یەکێتی 18 کورسی پەرلەمانی عێراقی مسۆگەر کرد کە بەمشێوەیە بەسەر پارێزگاکان دابەش دەبن؛

هەولێر 2 کورسی
سلێمانی 8 کورسی
دهۆک سفر کورسی
کەرکووک 5 کورسی
نەینەوا 3 کورسی

 

ئەوەی پێویستە بیزانیت؛ ڕێبوار تەها، سەرۆک لیستی یەکێتی لەهەمان کاتتدا پارێزگاری کەرکووکە.