سلۆڤاکیا لەڕێگەی یاسایەکەوە خێرایی پیادە و پاسیکیلسواران لەسەر شۆستەکان دیاری دەکات

ئاڤا نیوز

یاسایەکی نوێ لە سلۆڤاکیا، کە ئامانجی باشترکردنی سەلامەتیی پیادە و پاسکیلسوارانە لەسەر شۆستەکان؛ ناڕەزایەتی زۆری لێکەوتووەتەوە. 

 

وێنە گەورەکە: یاساکە خێرایی سەرجەم بەکارهێنەرانی شۆستەکان، لەوانەش پیادە، پاسکیلسوار، و ئەوانەی سکووتەر بەکاردەهێنن، بۆ شەش کیلۆمەتر لە کاتژمێرێکدا دیاری دەکات و هەر کەسێكیش یاساکە پێشێل بکات بە 116 دۆلار سزادەدرێت.

 

ئەوەی لەبارەیەوە دەگوترێت؛ خەڵکی ئەو وڵاتە بە گاڵتەوە دەڵێن: تەنانەت منداڵانی تەمەن سێ یان چوار ساڵانیش زۆرجار بە پاسکیلی خۆیان لەو خێراییە تێدەپەڕن کە حکومەت دیاری کردووە.

 

ئەوەی پێویستە بیزانیت: بەپێی ئامارەکانی پۆلیسی سلۆڤاکیا، لە ساڵی ڕابردوودا 67 پیادە و 22 پاسکیلسوار یان سکووتەر لە ڕووداوی هاتووچۆدا گیانیان لەدەستداوە، بەڵام ئاشکرا نەکراوە کە ئایا ئەو ڕووداوانە لەسەر شۆستەکان بوون یان لەسەر شەقامەکان.