نووری مالیکی سەردانی هەولێر دەکات

ئاڤا نیوز

سبەی شەممە نووری مالیکی، سەرۆکی هاوپەیمانی دەوڵەتی یاسا، سەردانی هەولێر دەکات و لەبارەی پێکهێنانی حکومەتی نوێ و دیاریکردنی سەرۆکوەزیران، لەگەڵ سەرۆک بارزانی کۆ دەبێتەوە.

وێنە گەورەکە: دوای ڕاگەیاندنی ئەنجامی هەڵبژاردنی عێراق لەلایەن کۆمیسیۆنەوە، پارتی وەک هێزێکی سەرەکی و کاریگەر لە عێراق زۆرترین دەنگی بەدەستتهێنا، بۆ پێکهێنانی حکومەتی داهاتوو، لایەنەکانی دیکە سەردانی دەکەن.

لێدوانی فەرمی: هیشام ڕوکابی، ڕاوێژکاری نووری مالیکی بە ئاڤای ڕاگەیاند، شاندەکەی چوارچێوەی هەماهەنگی لە نووری مالیکی، سەرۆکی هاوپەیمانی دەوڵەتی یاسا و عەباس موسەوی، ڕاوێژکاری هاوپەیمانی دەوڵەتی یاسا پێکدێت.

زانیاریی بەدەستهاتوو: بەگوێرەی زانیارییەکانی ئاڤا میدیا، شاندەکە کاتژمێر 09:00ـی بەیانی، دەگاتە هەولێر و لەگەڵ سەرۆک بارزانی کۆ دەبێتەوە.

زانیاریی تایبەت: بەپێی زانیارییەکانی ئاڤا، مالیکی وەکو سەرۆکی شاندی دانوستانکاری چوارچێوەی هەماهەنگی سەردانی هەولێر دەکات. لە کۆبوونەوەکاندا باسی بابەتی پێکهێنانی حکومەت و دیاریکردنی سەرۆکوەزیرانی داهاتووی عێراق دەکەن.

لە نزیکەوە گوێ لە سەرۆک بارزانی دەگرێت بزانن مەرج و داواکارییەکانی کورد چین بۆ پێکهێنانی حکومەتی داهاتوو.