لە ئەفریقاوە هاوپەیمانانی ئۆکراینا لەسەر پلانەکەی ترەمپ گفتوگۆ دەکەن

ئاڤا نیوز

 

سەرکردەکانی جیهان ئامادەی لووتکەی گرووپی20 دەبن کە لە شاری جۆهانسبێرگ لە باشووری ئەفریقا بەڕێوەدەچێت. پرسی گەرم؛ ئۆکراینایە کە هاوپەیمانانی کیێڤ گفتوگۆ لەسەر پلانی ئاشتیی ترەمپ بۆ داهاتووی وڵاتەکە دەکەن.

 

زانیاریی بەدەستهاتوو: لە لووتکەی گرووپی20، هاوپەیمانانی ئۆکراینا هەوڵدەدەن پلانی ئەمریکا بۆ کۆتاییهێنان بە شەڕی نێوان ڕووسیا و ئۆکراینا "بەهێز بکەن" و گفتوگۆی لەسەر بکەن.

 

لێدوانی فەرمی: کیەر ستارمەر، سەرۆکوەزیرانی بەریتانیا ڕایگەیاند، پێشنیازی ئەمریکا لەسەر مێزە، هەوڵدەدەین ئەم پلانە بۆ قۆناغی داهاتووی دانوستانەکان بەهێز بکەین، ئۆکراینا هەمیشە ئامادەیی دانوستان بووە و ڕووسیا ئەمەی ڕەتکردووەتەوە، لەگەڵ هەر یەکە  ئەمریکا و ئۆکراینا لەسەر ئەم پرسە کاردەکەین.

 

زانیاریی زیاتر: دوێنێ زێلێنسکی پەیوەندییەکی تەلەفۆنی لەگەڵ ستارمەر سەرکردەکانی فەرەنسا و ئەڵمانیا ئەنجامدا و وتووێژی پلانی ئاشتی 28 خاڵی کرد و دواتر ئاشكرای کرد دۆستان و هاوبەشەکانی" ئۆکراینا پابەندن بە دەستەبەرکردنی ئاشتییەکی بەردەوام". 

 

ئەمەش بزانە: نە دۆناڵد ترەمپ، سەرۆکی ئەمریکا و نە ڤلادیمێر پووتین، سەرۆکی ڕووسیا بەشداری کۆبوونەوەی لووتکەی گرووپی20 ناکەن.