دوای ئۆکراینا ترەمپ پلانێک بۆ ئاشتی لە سودان ئامادە دەکات

ئاڤا نیوز

 

دۆناڵد ترەمپ، سەرۆکی ئەمریکا پلانێک بۆ ئاشتی لە سوودان ئامادە دەکات و هیوادارە لایەنە شەڕکەرەکانی سودان بە پێشنیازەکە ڕازی بن. 

 

لێدوانی فەرمی: مەسعەد بولۆس، ڕاوێژکاری ترەمپ بۆ کاروباری ئەفریقا و عەرەبی ڕایگەیاند نابێت هیچ مەرجێکی پێشوەختە بەسەر هەوڵەکانی ئاشتیدا بسەپێنرێت و دەبێت چارەسەری ئەم قەیرانە لە ناوخۆی سوودانەوە شکڵ بگرێت.

 

زانیاریی بەدەستهاتوو: پلانەکەی ئەمریکا بۆ سوودان داوای وەستاندنی دەستبەجێی شەڕ و پێکدادانەکان لە سەرتاسەری وڵاتدا دەکات لەگەڵ گەیاندنی یارمەتییە مرۆییەکان و دەستپێکردنی گفتوگۆیەکی نیشتمانیی گشتگیر.

 

لەلایەکی دیکەوە: عەبدولفەتاح بورهان، فەرماندەی سوپای سودان، ڕایگەیاند ئامادەیە هاوکاریی ئەمریکا و سعودیە بکات بۆ ئەوەی ئاشتی لە سودان دابمەزرێنێت.

 

ئەمەش بزانە: لەمیانی سەردانەکەیدا بۆ واشنتن، محەممەد بن سەلمان، شازادەی جێنشینی سعودیە داوای لە ترەمپ کردبوو کار بکات بۆ کۆتاییهێنان بە شەڕی سودان.