کچێک لە سلێمانی بە داهاتی کۆکردنەوەی کارتۆن چێشتخانەیەک دەکاتەوە

ئاڤا نیوز

لە شاری سلێمانی و لەسەر بەرزاییەکانی چیای گۆیژە، خانمێکی کاسبکار دوای ئەوەی ساڵانێک کاری کۆکردنەوەی کارتۆنی کردووە، بە هەوڵ و کۆششێکی زۆر توانیویەتی بگاتە ئامانجەکەی و چێشتخانەیەکی تایبەت بە خۆی دابمەزرێنێت. ئێستا بەهۆی تام و چێژی خواردنەکانییەوە بووەتە جێی سەرنجی خەڵکی شارەکە.

چیرۆکی سەرەکی: کچێک کە پێشتر بۆ دابینکردنی بژێوی خێزانەکەی کاری کۆکردنەوەی کارتۆنی کردووە، ئێستا لەسەر چیای گۆیژە چێشتخانەیەکی تایبەت بە برژاو بەڕێوەدەبات کە تاوەکو کاتژمێر 12ـی شەو کراوەیە.

زانیاریی زیاتر: بەپێی زانیارییەکان، دەستڕەنگینی ئەم کچە لە ئامادەکردنی "ماسییە بچووکەکان" بە شێوازێکی تایبەت و نهێنی، بووەتە هۆی ڕاکێشانی سەردانکەرێکی زۆر. ژینگەی پاک و خاوێنی چێشتخانەکە و دیمەنی شاری سلێمانی و هەوای فێنکی چیاکە، چێژێکی تایبەتی بە خواردنەکەی بەخشیوە.

ئەوەی لەبارەیەوە دەگوترێت: هاووڵاتیەک چووەتە خواردنگەکە و دەڵێت، "خواردنەکانی خاتوو بانوو هێندە بەتام و تایبەتن، بەهۆی خۆشی کەشوهەوا و بەلەزەتی ماسییەکانەوە، بە تەنیا 30 ماسیم خواردووە."