سەرۆك بارزانی و عیزەت شابەندەر دۆخی سیاسی عێراق تاوتوێ دەکەن

ئاڤا نیوز

ئەمڕۆ دووشەممە، سەرۆک بارزانی لە پیرمام پێشوازی لە عیزەت شابەندەر، سیاسەتمەداری ناوداری عێراق کرد، دۆخی سیاسی عێراقیان تاوتوێ کرد.

ڕاگەیێنراوی فەرمی: بارەگای بارزانی بڵاویکردەوە، سەرۆك مەسعود بارزانی لە پیرمام پێشوازی لە عزەت شابەندەر کەسایەتی و سیاسەتمەداری عێراقی کرد، لەدیدارێکدا گفتوگۆ دەربارەی بارودۆخی سیاسیی عێراق و ناوچەکە کرا، بەتایبەت قۆناغی دوای هەڵبژاردنی پەرلەمانی عێراق.

زانیاریی زیاتر: ئەم دیدارە لە کاتێکدایە، لەدوای ڕاگەیاندنی ئەنجامی هەڵبژاردنی پەرلەمانی عێراق، سەرکردە باڵاکانی عێراق بەمەبەستی گفتوگۆکردن دەربارەی پێکهێنانی کابینەی نوێی حکومەت، ڕوو لە هەولێر دەکەن و لەگەڵ سەرکردایەتی سیاسی کورد کۆ دەبنەوە. لەماوەی دوو هەفتەدا هەریەکە لە سوودانی، عەمار حەکیم، مالیکی و موسەننا سامەڕائی سەردانی سەرۆک بارزانیان کردووە.