ئاڤا هۆکاری پچڕانی کارەبا ئاشکرا دەکات

ئاڤا نیوز

ئاڤا هۆکاری پچڕان و کەمبوونەوەی پێدانی کاتژمێرەکانی کارەبای نیشتمانی لە بەشێک لە شارەکانی هەرێمی کوردستان ئاشکرا دەکات. 

چیرۆکی سەرەکی: لەماوەی چەند ڕۆژی ڕابردوودا لە چەند ناوچەیەکی کوردستان کارەبا کێشەی بۆ دروست بووە، پێدانی کارەبا کەمبووەتەوە و چەند کاتژمێرێکیش کارەبا بە تەواوی پچڕاوە. 

بەدواداچوونی ئاڤا: ئومێد محەممەد، وتەبێژی وەزارەتی کارەبا لەوبارەیەوە بە ئاڤای ڕاگەیاند: 250 مێگاوات کارەبا بەهۆی کێشەی غاز و تەکنیکی لە تەواوی کوردستان کەمیکرد، ئەمە وایکرد لە بەشێکی ناوچەکانی کوردستان کارەبا بپچڕێت، ئێستا 200 مێگاوات کارەبا گەڕاوەتەوە نێو تۆڕی کارەبا و تەنیا 50 مێگاوات ماوە بگەڕێتەوە.

زانیاریی زیاتر: ئاستی بەرهەمهێنانی کارەبای هەرێمی کوردستان زیاتر لە چوار هەزار مێگاواتە، هەر کەمبوونەوەیەک لەو ڕێژەیە دەبێتە هۆکار بۆ پچڕانی کارەبا.