مەرجەعیی عەلەوییەکان هێرش دەکاتە سەر حکومەتی دیمەشق و داوای فیدراڵی دەکات

ئاڤا نیوز

دوای رووداوەکانی حومس، مەرجەعیی باڵای ڕوحیی تایفەی عەلەوی لە سووریا، ڕەخنەی تووندی لە حکومەتی دیمەشق دەگرێت و داوای جێبەجێکردنی سیستمی فیدراڵی و لامەرکەزیی سیاسی دەکات.

چیرۆکی سەرەکی: لە کاردانەوەی کوشتنی ژن و مێردێک لە شارۆچکەی زێدلی عەلەوینشین گرژییەکی زۆر لە پارێزگای حومسی سووریا و ئیدارەی فەرماندەیی ئاسایشی ناوخۆی شارەکە قەدەغەی هاتووچۆی لە ژمارەیەک گەڕەک ڕاگەیاند.

لێدوانی فەرمی: شێخ غەزال غەزال، سەرۆکی ئەنجوومەنی باڵای ئیسلامیی عەلەوی لە سووریا و دەرەوە، ڕایگەیاند: سوریا بووەتە گۆڕەپانێک بۆ یەکلاییکردنەوەی کێشە و ململانێی تایفیی، لەکاتێکدا تایفەی عەلەوی هەرگیز گرنگی بە لایەنگیری تایفی نەداوە.

زانیاریی زیاتر: غەزال ئاماژەی بەوەشکرد، عەلەوییەکان چەکەکانیان ڕادەستی دەسەڵاتێکی تیرۆریستی، تەکفیریی و پەراوێزخەر کرد، دەسەڵاتێک پێکهاتەی سوننەی کردووەتە ئامرازێک بۆ سیاسەتەکانی خۆی. 

ئەمەش بزانە: لە درێژەی قسەکانیدا، مەرجەعیی باڵای ڕوحیی تایفەی عەلەوی لە سووریا، ڕووی لە پێکهاتەکانی سووریا کرد و گوتی، مسۆگەرکردنی مافی هاووڵاتییانی  سووریا و چارەسەرکردنی کێشەکان فیدراڵی و لامەرکەزیی سیاسییە"، هاوکات بەمەبەستی ڕاگرتن و دژایەتیکردنی هەموو جۆرە تیرۆرێک کە بەرامبەر پێکهاتەکان ئەنجام دەدرێت، داوای گردبوونەوەیەکی جەماوەری ئاشتیانەی کرد.