لە عێراق لە مانگی ڕابردوودا زیاتر لە حەوت هەزار جیابوونەوە تۆمارکراوە

ئاڤا نیوز

بەگوێرەی ئامارەکانی ئەنجوومەنی باڵای دادوەریی عێراق، لە مانگی ڕابردوودا زیاتر لە حەوت هەزار جیابوونەوە لە سەرجەم پارێزگاکان، جگە لە هەرێمی کوردستان تۆمار کراوە.

 

ڕاگەیێنراوی فەرمی: ئەنجوومەنی باڵای دادوەریی عێراق ئاماری مانگانەی هاوسەرگیری و جیابوونەوەی لە دادگاکانی عێراق جگە لە هەرێمی کوردستان بڵاو کردەوە.

ژمارەکان وا دەڵێن: بەپێی ئامارەکە، کۆی گشتیی هاوسەرگیری 34,617 بووە. بەغدای پایتەخت لە پێشەنگی ئەو پارێزگایانەوە بووە کە زۆرترین گرێبەستی هاوسەرگیری تێدا تۆمار کراوە، دواتر نەینەوا دێت.

•  لە دیوی ڕەسافەی بەغدا، 5,139  هاوسەرگیری تۆمار کراوە.
•  لە دیوی کەرخی بەغدا، 3,809  تۆمار کراوە.
•  لە نەینەوا، 3,488 هاوسەرگیری تۆمار کراوە.
سەبارەت بە جیابوونەوەش، کۆی گشتیی حاڵەتە تۆمارکراوەکان لە دادگاکانی عێراق 7,470 بووە.
•  بەغدای پایتەخت لە پلەی یەکەمدا بووە لە زۆرترین حاڵەتی جیابوونەوە.
•  بەسرە لە پلەی دووەمدا هاتووە.
•  لە دیوی ڕەسافەی بەغدا، 1,503 حاڵەتی جیابوونەوە تۆمار کراوە.
• لە کەرخی بەغدا، 1,197 تۆمار کراوە.
• لە بەسرە، 874 تۆمار کراوە.