وەزیری دەرەوەی چین: دەبێت پەکین و مۆسکۆ بەرگری لە "دادپەروەری" بکەن

ئاڤا نیوز  

 

وانگ یی، وەزیری دەرەوەی چین بە ئامادەبوونی سێرگی لاڤرۆڤ هاوتا ڕووسییەکەی لە پەکین جەختی کردەوە کە پێویستە دوو وڵاتەکەیان لەپاڵ "دادپەروەری و یەکسانی"دا بوەستن.

 

وێنە گەورەکە: سێرگی لاڤرۆڤ، وەزیری دەرەوەی ڕووسیا بە سەردانێکی فەرمی گەیشتە چین، لەگەڵ وەزیری دەرەوەی چین باسیان لە  شەڕی ئۆکرانیا و هاوکاریی دوو قۆڵی و پرسە نێودەوڵەتییەکان کرد.

 

لێدوانی فەرمی: وانگ لە کۆنگرەیەکی ڕۆژنامەوانیدا گوتی: وەک دوو ئەندامی هەمیشەیی ئەنجوومەنی ئاسایشی نەتەوەیەکگرتووەکان و دوو زلهێزی گەورەی تازەپێگەیشتوو، پێویستە چین و ڕووسیا بەڕوونی بۆ پێشکەوتنی مێژوویی و دادپەروەری کاربکەن، هەردوولا "بەردەوام دەبن لە پاراستنی پەیوەندی نزیک لە نێوانیاندا".

 

ئەوەی ئێستا ڕوودەدات: ئەم نزیکبوونەوەی چین لەگەڵ ڕووسیا لەکاتێکدایە کە گرژی و ڕووبەڕووبوونەوەکانی لەگەڵ ئەمریکا  لە زیادبووندایە، بەهۆی شەڕی ئۆکرانیا، ڕووسیا و چین ڕووبەڕووی ئاستەنگی هاوشێوە بوونەوەتەوە، ئەمەش وایکردووە هەماهەنگییان لەسەر پرسە نێودەوڵەتییەکان زیاد بکات.