هاتووچۆی بازرگانی لە دەروازە سنوورییەکانی هەرێمی کوردستان ڕادەگیرێت

ئاڤا نیوز

بۆ یەکەم ڕۆژی جەژنی ڕەمەزان لە دەروازەی باشماخ و بۆ سێ ڕۆژی جەژنیش لە دەروازەی پێشابوور - سێمالکا هاتووچۆی بازرگانی ڕادەگیرێت.

 

لێدوانی فەرمی: ساماڵ عەبدولرەحمان، بەڕێوەبەری گشتیی گومرگی هەرێمی کوردستان بۆ ئاڤا نیوز ڕایگەیاند: "لە یەکەم ڕۆژی جەژندا بۆ ماوەی 24 کاتژمێر جوڵەی بازرگانی لە دەروازە سنوورییەکان لەگەڵ ئێران دەوەستێت و هاتووچۆی گەشتیاری بەردەوام دەبێت".

 

ئەوەی پێویستە بیزانیت: هاتووچۆی گەشتیاری ئاسایی دەبێت و ڕاناگیرێت، لە دووەم ڕۆژی جەژنەوە هەموو هاتووچۆکان ئاسایی دەبێتەوە. 

 

لەلایەکی دیکەوە: سەرچاوەیەک لە دەروازەی سنووری پێشابووری هەرێمی کوردستان بە ئاڤا نیوزی ڕاگەیاند، دەروازەکە لەگەڵ سێمالکا لە ڕۆژئاوای کوردستان بۆ هەرسێ ڕۆژی جەژن سەرجەم جموجوڵە بازرگانی و گەشتیارییەکان ڕادەگیرێت و دوای تەواوبوونی جەژنیش ئاسایی دەبێتەوە.