گۆڕانکاری بەسەر کاتی دەوامی بنکەکانی پشکنینی ئۆتۆمبێل دەکرێت

ئاڤا نیوز

بەڕێوەبەرایەتیی هاتووچۆی هەولێر بڕیاریدا گۆڕانکاری بکات لە کاتی دەوامی بنکەکانی پشکنینی ئۆتۆمبێل، بەجۆرێک کاتی پشکنینی ئۆتۆمبێلی بەکارهاتووی جیاکردووەتەوە لەگەڵ ئەو ئۆتۆمبێلانەی نوێن و بەکارنەهاتوون.

ئەوەی پێویستە بیزانیت: پێشتر بەهۆی قەرەباڵغی لە بنکەکانی پشکنینی ئۆتۆمبێل، لەپێناو ئاسانکاری و خێرا ڕاییکردنی مامەڵەی شۆفێران و ڕێکخستنی کاروباری بنکەکانی پشکنین، بەڕێوەبەرایەتیی هاتووچۆی هەولێر لە ڕۆژی 15-9-2025 بڕیاریدا گۆڕانکاری بکات لە کاتی دەوامی بنکەکانی پشکنینی ئۆتۆمبێل، لەئێستادا تێبینیان کردووە ڕادەی قەرەباڵغی و نۆرەی پشکنینی ئۆتۆمبێڵ کەم بووەتەوە، بۆیە کاتی دەوامی بنکەکانی پشکنین ئاسایی دەکەنەوە.

ڕاگەیێنراوی فەرمی: بەڕێوەبەرایەتیی هاتووچۆی هەولێر لە ڕاگەیێنراوێکیدا شۆفێران ئاگادار دەکاتەوە کە بڕیاردراوە گۆڕانکاری بکرێت لە کاتەکانی دەوامی بنکەکانی پشکنینی ئۆتۆمبێل، بڕیاری گۆڕانکارییەکە لەڕۆژی 30-11-2025ـەوە کاری پێدەکرێت و دەکەوێتە بواری جێبەجێکردنەوە بەمشێوەی خوارەوە:

٠ ئەو ئۆتۆمبێلانەی تابلۆکانیان ژمارەی کاتیین و بەکارنەهاتوون، لەگەڵ ئەو ئۆتۆمبێلانەی ژمارە کراون، لە هەرسێ بنکەکانی کەسنەزان، ڕێگای گوێڕ و 32ـی پارک، بەیانیان پشکنینیان بۆ ئەنجام دەدرێت.

٠ ئەو ئۆتۆمبێلانەی تابلۆکانیان ژمارە کاتیین و بەکارهاتوون، بەیانیان تەنیا لە بنکەی 32ـی پارک پشکنینیان بۆ ئەنجام دەدرێت و دەوامی دوای نیوەڕۆ نامێنێت.