کۆبوونەوەی پارتی و یەکێتی بوو بە قاوەخواردنەوە

ئاڤا نیوز

لە هەولێر دانیشتنێک لەنێوان پارتی و یەکێتی کرا، هەردوولا وتوویانە ئەمە کۆبوونەوە نییە و تەنها قاوە خواردنەوەیە بۆ ئەوەی بزانین لە داهاتوودا چی دەکەین. 

چیرۆکی سەرەکی: بڕیار ئەمڕۆ دووشەممە کۆبوونەوەی یەکێتی و پارتی بکرێت، بەڵام بەپێی زانیارییەکانی ئاڤا هۆشیار زێباری، ئەندامی مەکتەبی سیاسی پارتی بە تەنها  لە هەولێر سەردانی قوباد تاڵەبانی و دەرباز کۆسرەت ڕەسووڵ، ئەندامانی مەکتەبی سیاسیی یەکێتی کردووە.

زانیاریی تایبەت: لە کۆبوونەوەکە هەردوولا وتوویانە ئەمە ناونانێین کۆبوونەوە، ئەمە تەنها قاوەخواردنەوە یەکە، بۆ ئەوەی بیروڕا ئاڵوگۆڕ بکەین و بزانین هەنگاوی داهاتوو چی بکەین، لەبارەی پێکهێنانی هەردوو حکومەتی کوردستان و عێراق و یەکدەنگی کورد لە بەغدا.

لەلایەکی دیکەوە: هۆشیار زێباری ئەمڕۆ لە پانێڵێکدا لە چاتەم هاوس ڕایگەیاند:

. دەستمان بە ڕێکخستنی نێو ماڵی کوردی کردووە.

. لەگەڵ لایەنە کوردییەکانی دیکە گفتوگۆ دەکەین بۆ چارەسەرکردنی پرسی پۆستی سەرۆککۆمار.

. لەبارەی پێکهێنانی حکومەتی عێراق خاڵی دەستپێک ڕێککەوتن دەبێت لەسەر سەرۆککۆمار و سەرۆکی پەرلەمان، پاشان سەرۆککۆمار سەرۆکوەزیران دیاری دەکات.

. هێشتا ڕێککەوتنێک نییە لەسەر کاندید بۆ پۆستی سەرۆکایەتیی کۆمار، وەک کورد لەسەر یەک شت کۆکین کە پۆستەکە دەبێت بۆ کورد بێت.