لە مانگی 11ـی ئەمساڵدا 56 بوومەلەرزە لە هەرێمی کوردستان ڕوویانداوە

ئاڤا نیوز

 

مانگی ڕابردوو 56 بوومەلەرزە لە هەرێمی کوردستان ڕوویانداوە، بوومەلەرزەکان بە پلەی یەکەم لە سنووری پارێزگای سلێمانی بوون، دوای ئەویش سنووری پارێزگای هەولێر.

 

ڕاگەیێنراوی فەرمی: بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان بڵاوی کردووەتەوە، لە مانگی تشرینی دووەمی ئەمساڵ، 56 بوومەلەرزە لە هەرێمی کوردستان ڕوویانداوە و بەرزترین گوڕی بوومەلەرزە تۆمار کرابێت 2.8 پلە بووە بە پێوەری ڕێختەر لە ڕۆژی 20-11-2025 بە دووری 27 کیلۆمەتر لە شارەدێی دەربەندیخان.

 

زانیاریی زیاتر: زۆرترین تۆماری بوومەلەرزە لە سنووری پارێزگای سلێمانی بووە، بە 40 بوومەلەرزە، دوای ئەویش پارێزگای هەولێر دێت، کە 16 ڕووداوی بوومەلەرزە هەبووە.

 

هەرچی سنووری پارێزگاکانی دهۆک و هەڵەبجەیە هیچ ڕووداوێکی بوومەلەرزە لە مانگی تشرینی دووەمی 2025 تۆمارنەکراوە، بەشێوەیەکی گشتی ئەو بوومەلەرزانەی لە هەرێمی کوردستان ڕوویانداوە هیچ زیانێکی گیانیان لێنەکەوتووەتەوە.

 

ئەمەش بزانە: بەشێوەیەکی گشتی گوڕی پلەكانی ڕوودانی بوومەلەرزە لە 1 دەستپێدەکات تا دەگاتە 10 پلەی ڕێختەر، پلەکانی 1 تاوەکو 4 تەنها هەستی پێدەکرێت و هیچ زیانێکی نییە، پلەکانی 4 بۆ 6 زیان بە باڵەخانەکان دەگەیەنێت، بوومەلەرزەکانی سەرووی پلەی 6 وێرانکاری بەدوای خۆیدا دەهێنێت.